محمد رمضان عن "العمدة": الشخصية أكبر مني
نخيل نيوز | مصر
فتح النجم محمد رمضان كواليس تصوير مسلسله الجديد «جعفر العمدة» المقرر عرضه ضمن المسلسلات المصرية لموسم رمضان 2023، كما واصل رمضان التنازل عن لقب «نمبر وان» الذي أثار غضب العديد من أقرانه في الوسط الفني، وقال إن اسمه هو أحب الألقاب إليه الآن. وتحدث رمضان خلال لقاء خاص مع الإعلامي رامي رضوان في برنامج مساء دي إم سي، عن تفاصيل دوره في المسلسل قائلاً: "شخصية مصرية أصيلة بينتمي إلى حي السيدة زينب العريق، عنده انتماء وأصل وراجل مطلعش من جلباب أبوه ولا المنطقة اللي نشأ فيها، عنده صفات كتير عظيمة، وكمان عنده أخطاء بشرية طبيعية، والكمال لله وحده، والعظيم في الشخصية إن هو شخص بيتدارك أخطاءه مع المواقف واللي بيمر بيه في حياته، وبيعترف بيها، والشخصية أنا حبيتها جداً".
وتطرق محمد رمضان في حديثه الى الشبه بين شخصيته الحقيقية وشخصيته في مسلسل "جعفر العمدة"، حيث قال: "علاقته بوالدته، وإزاي هو مسيطر في الشغل وعنده نفوذ الشخصية اللي بمثلها هي راجل أعمال في مصر، ولكن قدام أمه بيبقى صغير، ودي الحاجة اللي بتشبهني في العمل". وعن سبب اختياره للشخصية، قال محمد رمضان: "الشيء الأول فكرة السن، بجسد شخصية أكبر مني بـ20 سنة، وده تحدي كبير أوي، إن إزاي الجمهور يصدق محمد رمضان في المسلسل إنه سنه 56، وده شيء استفزني كممثل، إن التفاصيل كلها تبان والحركة بردو في السن ده، ولكن التفاصيل مهمة جداً والحركة بتبقى أبطأ شويه من الشباب، ومسكة كوباية الشاي حتى بتكون مختلفة، وهي بتكمن في اللاوعي عندي، أعتقد إن ديه ممكن تعمل المصداقية، وفيه تفاصيل كتير قدرت تمر في اللاوعي عند الجمهور، وتخلي الجمهور يصدقني".
واختتم محمد رمضان حديثه مؤكداً: "أكتر لقب أقرب لقلبي هو محمد رمضان، بحس إنه جميل لإنه اسمي واسم أبويا، ومحمد رمضان كل دول "ابن حلال" و"الأسطورة"، و"البرنس" نمبر وان، فأنا فخور كتير باسمي".
ارسال التعليق